-
ಜೊತೆಯಾಗಿ ಕುಳಿತು ಎರಡು ದಿನ ಪ್ರಯಾಣಿಸಿದ್ದರೂ, ಒಂದೂ ಮಾತಾಡಿರಲ್ಲಿಲ್ಲ, ಆದರೆ ಇಳಿಯುವಾಗ ಏನೋ ಕಳಕೊಂಡಂತೆ, ಈ ಭಾವ ಸಂಬಂಧಕ್ಕೆ ಹೆಸರರಿಯದೇ ತೆರಳಿದರು ತಮ್ಮ ಮನೆಗಳಿಗೆ.
-
ಅವನು ಇವಳನ್ನು ಪ್ರೀತಿಸಿದ, ಪ್ರೀತಿಸುತ್ತಲೇ ದೂರಾದ; ಅವಳು ಅವನನ್ನು ಪ್ರೀತಿಸದೇ ದೂರಮಾಡಿ, ಈಗ ಅವನಿಲ್ಲದಿರುವಾಗ ಅವನಿಗೆ ಹತ್ತಿರವಾಗಿದ್ದಾಳೆ.
-
ಮಗು ಮಣ್ಣಿನಲ್ಲಿ ಆಡಬಾರದೆಂದು ಬಣ್ಣ ಬಣ್ಣದ ಆಟಿಕೆಗಳ ನೀಡಿದರು, ಹೊರಗೆ ಹೋಗದಿರಲೆಂದು ಟಿ ವಿ ಕೊಟ್ಟರು, ಈಗ ಮಗು ಬೆಳೆದಿದೆ ಆದರೆ ತಾಯಿ ತಂದೆಯ ಜೊತೆ ಇಲ್ಲ, ಬಹುಶಃ ಅದಕ್ಕೆ ಕಂಪನ್ನು ಗ್ರಹಿಸುವ ಬೆರೆಯುವ ಗುಣ ಮರೆತಿರಬೇಕು.
-
ಅವನೊಬ್ಬ ಲಂಪಟ, ಅಂತೂ ಮದುವೆಯಾದ, ಮನೆಯವರು-ಊರವರೆಲ್ಲಾ ನಿಟ್ಟುಸಿರು ಬಿಟ್ಟರು; ರಾತ್ರಿಯಲ್ಲಿ ಅವನಿಗೆ ಅವಳನ್ನು ಕಂಡ ನೆನಪು, ಕೇಳುವಂತಿರಲಿಲ್ಲ – ಪಾಪ ಸುಮ್ಮನಿರಲೂ ಆಗುತ್ತಿರಲಿಲ್ಲ.
-
ಮನೆ ಮಠಾ ಬಿಟ್ಟುಬೈರಾಗಿಯಾದ ಅವನ ಪ್ರವಚನಕ್ಕೆ ಬಂದ ಬಾಲೆಗೆ ಅವನ ರೂಪ ರಾತ್ರಿ ನಿದ್ದೆ ಕೆಡಿಸಿತಂತೆ.
-
ಊರಿಗೆ ತಿಂಗಳಿಗೊಮ್ಮೆ ಬರುತ್ತಿದ್ದ ಮಗ ಮದುವೆಯಾದ ಮೇಲೆ ವರುಷಕ್ಕೊಮ್ಮೆ ಬರಲಾರಂಭಿಸಿದ; ಈ ವರ್ಷ ಬಂದು ಹೋಗುವಾಗ ಅಮ್ಮನ ಸೆರಗು ಒದ್ದೆಯಾದದ್ದು ಕೈಯಲ್ಲಿ ದುಡ್ಡಿಡುವಾಗ ಅವನಿಗೆ ತಿಳಿಯಲಿಲ್ಲ..ಪಾಪ
-
ಈಗ ಮಗನ ಬಟ್ಟೆ ತೊಳೆಯುವಾಗ, 25 ವರ್ಷದ ಹಿಂದೆ ಅಮ್ಮನ ಕೈ ನೋಯುತ್ತಿತ್ತೇ ಎಂದು ಕೇಳಬೇಕೆನಿಸಿತು; ಹಾಸಿಗೆ ಹಿಡದ ಅಮ್ಮನಲ್ಲಿ ಕೇಳಲು ಯಾಕೋ ಆಗಲಿಲ್ಲ – ಗಂಟಲು ಒಣಗುತ್ತಿತ್ತು.
Like this:
One blogger likes this post.
idu bari salugalla, chikka chikka kathegalu. chennagide. avanobba lampata & ottige prayanisuttiddaru tumba suuuuper…….
By: Praveen on May 26, 2011
at 11:34 am